Tótenshe jaǵdaılar mınıstri Syrym Sháriphanov Astana mańyndaǵy qurǵaq shóp órti qashan tolyqtaı sóndiriletinin aıtty, dep habarlaıdy almaty-akshamy.kz Tótenshe jaǵdaılar mınıstriniń baspasóz qyzmetine silteme jasap.
«Jaǵdaı turaqty, keshe saǵat 21.00-de órt aýmaǵy oqshaýlanǵanyn habarladyq. Bul jerde biraz jyldan beri jınalǵan qurǵaq qamys órtendi. Jel ekpini kúsheıgen kezde byqsyǵan qalyń shóp qaıta órtenýi múmkin», - dedi S. Sháriphanov Májiliste tilshiler suraǵyna jaýap bere otyryp.
Onyń aıtýynsha, órtti tolyqtaı óshirýge shamamen bir aptadan asa ýaqyt kerek.
«Buǵan bir-eki apta ýaqyt kerek bolady. Munyń barlyǵy atalǵan faktorlarǵa baılanysty. Árıne, órt sóndirýshiler jumysy men jańbyr órtti tolyqtaı óshirýge eleýli yqpal eteri anyq», - dedi mınıstr.