4-8 jeltoqsan aralyǵynda Almaty Creative habta ArtKöshe táýelsiz teatry aLqa laboratorıasynyń qorytyndysy retinde 5 spektákldiń premera-festıvalin ótkizbek.
aLqa jobasy elimiz teatr ónerindegi qundylyq jáne kórkemdik izdenister máselesin nysanǵa ala otyryp, teatr men akademıalyq orta ekspertterin toǵystyryp, demokratıa qundylyqtaryn jáne teatr estetıkasyndaǵy jańa konvensıany negiz etken sapaly týyndylar jasalýyna yqpal etýdi, sondaı-aq, shyǵarmashylyq táýelsizdikti dáripteýdi maqsat etedi. “ArtKöshe – táýelsiz teatr. Táýelsiz uǵymyn ár qyrynan túsindirýge bolady. Óner, shyǵarmashylyq paıda bolǵaly onyń belgili bir zańdylyq-erejeleri qalyptasyp, shyǵarmashylyqty sol zańdylyq-erejeler arqyly úırenemiz, jasaımyz, qabyldaımyz, baǵalaımyz.
Búginde sol zańdylyq-erejelerdi túsindiretin, úıretetin nebir kitaptar, kýrstar, akademıa, ýnıversıtetter bar. Bir qarasańyz bul tamasha, bir qalypqa túsken. Biraq óner, shyǵarmashylyq retinde adamnyń oıy bir qalypqa syımaıdy. Dúnıe qalaı sheksiz proses bolsa, ol da sondaı. Bul turǵydan qarasaq zańdylyq-ereje degenimiz ónerdiń kolonızasıasy. Búgingi óner teorıalarynyń negizi qaı taraptan taraǵanyn aıtpaǵan kúnniń ózinde. ArtKöshe – táýelsiz, ıaǵnı óz bolmysyn izdegen dekolonıal teatr. aLqa sol jolǵa basqan qadam”, - deıdi ArtKöshe táýelsiz teatrynyń jetekshisi jáne aLqa jobasynyń avtory, dramatýrg ánnás Baǵdat.
Joba aıasynda dramatýrgıa, rejıssýra boıynsha kýrstar ótkizilip, kýrsqa iriktelgen 5 dramatýrg pesa jazyp, 5 rejıser sol pesalardan spektákl qoıady.
Kýrsqa qatysýshylarǵa belgili zertteýshi-ekspertter Ǵalym Júsipbek, Ásıa Baǵdáýletqyzy, Shalqar Nurseıit, Orazaı Qydyrbaev jáne Serik Beısembaev adam quqyqtary, dekolonıal, postkolonıal, kimdik (Identity) uǵymdary, óner jáne saıasat, gender dekolonızasıasy, óner jáne etıka, qoǵam jáne óner qatarly taqyryptar boıynsha trenıńder júrgizdi. Dramatýrgıa kýrsyn á.Baǵdat, rejıssýra kýrsyn belgili akter, rejıser, teatr pedagogy Kýba Adylov júrgizdi.
Kýrs nátıjesinde qoıylǵan 5 spektákldi arnaıy qazylar baǵalaıdy. Festıváldiń jabylý saltanatynda úzdik spektákl avtorlaryna bas júlde – Berlındegi Theatertreffen 2025 festıvaline joldama tabystalady.
aLqa festıvali aıasynda ótetin premeralar reti tómendegideı:
04 jeltoqsan – “404”, dramatýrg Dımash Zıadın, rejıser Laýra Maqan;
05 jeltoqsan – “Qabyrğa qalqasynda”, dramatýrg Aınur Tóleý, rejıser Zańǵar Ahmet-Qazy;
06 jeltoqsan – “Ünsız”, dramatýrg Aıjaryq Sultanqoja, rejıser Eldar Tashkenbaı;
07 jeltoqsan – “Eskertkış”, dramatýrg Maqsat Málik, rejıser Nurlan Baqytjanuly:
08 jeltoqsan – “SÖZ”, dramatýrg Bella Qasymqyzy, rejıser Salamat Óteshev.
4 jeltoqsan kúni saǵat 19:00 aLqa jobasyna arnalǵan baspasóz konferensıasy ótedi. Akredıtasıa alý úshin, aLqa jobasy týraly qosymsha suraqtar bolsa, +7 778 318 9256 nómirine WhatsApp arqyly habarlasa alasyz.
Mekenjaı: Almaty qalasy, Almaty Creativee Hub, Markov kóshesi, 44, 5-qabat.