Qatar Travel Mart 2024 kórmesinde Almatyǵa 13 myń sheteldik týrısi tartý jónindegi kelisimge qol qoıyldy
Katar astanasy Dohada ótken Qatar Travel Mart (QTM 2024) halyqaralyq týrısik kórmede Almatynyń stendi usynyldy. Úsh kúndik kórmege 60-qa jýyq el qatysyp, is-sharany 12 myńnan astam adam tamashalady, dep habarlaıdy aqshamnews.kz
Almaty stendinde óńirdiń tabıǵı sulýlyǵy men mádenı murasy tanystyryldy. Qonaqtar ulttyq taǵamdardan dám tatyp, dástúrli qazaq kıimderin kıip kórýge jáne t.b. jaqynnan tanysý múmkindigine ıe boldy. Kórme qorytyndysy boıynsha Almaty «Eń úzdik týrısik baǵyt» nomınasıasynda jeńimpaz atandy.
Almatyny Visit Almaty ortalyǵy, 6 qazaqstandyq týroperator jáne «Shymbulaq» taý-shańǵy kýrorty tanystyrdy. Qazaqstandyq jáne sheteldik týroperatorlar arasynda 100-den astam B2B kezdesý ótkizilip, qalaǵa 13 myńnan astam sheteldik týrısiń kelýin kózdeıtin 44 kelisimge qol qoıyldy. Bul kelisimder iskerlik baılanystardy nyǵaıtýǵa jáne Almatydaǵy týrısik lekti arttyrýǵa baǵyttalǵan halyqaralyq yntymaqtastyqty damytýǵa yqpal etedi.
«Bizdiń maqsatymyz – Almatynyń baı týrısik áleýetin, onyń tabıǵı landshafttaryn, mádenı jáne tarıhı oryndaryn halyqaralyq seriktesterge, ınvestorlarǵa jáne týrıserge tanystyrý. Kórmede Parsy shyǵanaǵy elderiniń turǵyndary úshin negizgi týrısik baǵyt retinde qalanyń pozısıasyn nyǵaıtýǵa erekshe nazar aýdaryldy, sebebi bul aımaq qalaǵa turaqty joǵary qyzyǵýshylyq tanytyp otyr», – dedi Almaty qalasy Týrızm basqarmasynyń bas mamany Almas Aqpaev.
«Búgingi tańda Doha men Almaty arasynda tikeleı áýe reısteri bar, bul Qazaqstanmen tanysqysy keletin týrıser úshin sapardy aıtarlyqtaı jeńildetedi. Kezdesýler nátıjesinde Almatyǵa degen qyzyǵýshylyqtyń arta túsetinine senimdimiz», – dep týrısik kompanıa ókili Aısha Shákenova mundaı is-sharalarǵa qatysý halyqaralyq seriktestik ornatýǵa jáne Almatynyń álemdik arenadaǵy ornyn nyǵaıtýǵa yqpal etetinin atap ótti.
Kórmege kelgen qonaqtar Almatyny týrısik baǵyt retinde joǵary baǵalady.
«Almaty – mindetti túrde barǵym keletin qala. Ol týraly kóptegen jaqsy pikir estidim. Shamasy, bul iskerlik týrızmdi, demalysty jáne ekotýrızmdi tamasha úılestiretin oryn», – dedi Katar azamaty Tarık ál-Kýbaısı.