25-29 qarasha aralyǵynda Almaty oblysynyń esirtki qylmysyna qarsy kúres qyzmetkerleri túzeý mekemeleri ákimshiliginiń ókilderimen birlesip, qamaýdaǵylar arasynda esirtki quraldarynyń bolýyn anyqtaý boıynsha reıd júrgizdi, dep habarlaıdy aqshamnews.kz
İs-sharanyń maqsaty – bas bostandyǵynan aıyrý oryndarynda tyıym salynǵan zattardyń zańsyz aınalymyn anyqtaý jáne jolyn kesý. Tintý barysynda tutqyndaǵylardyń kameralary, olardyń jeke zattary, jalpy jáne qyzmettik úı-jaılary muqıat tekserildi. Qyzmettik ıtter men arnaıy tehnıkalyq quraldardy paıdalana otyryp, esirtki zattaryn nemese olardy paıdalanýǵa yqpal etetin quraldardy tabýǵa baǵyttalǵan egjeı-tegjeıli tekserýler júrgizildi.
Reıd nátıjeleri boıynsha tyıym salynǵan zattar tabylǵan joq, alaıda uıymdastyrýshylar turaqty baqylaýdyń mańyzdylyǵyn atap kórsetedi. Mundaı is-sharalar esirtkiniń túzeý mekemelerine enýine jol bermeıdi jáne qaýipsizdikti nyǵaıtady.