Kóbelekter kórmesi
Aq kóbelek, kógildir kóbelek, emen kóbelegi, barqyt kóbelek, buıra kóbelek, múr kóbelek, qan kóbelek, tún kóbelekteri, nımfalıdalar sıaqty Qazaqstanda, sondaı-aq álemde kezdesetin kóptegen kóbelek túrleri Art Galaxy Alma-Ata kórmesiniń ajaryn ashty, dep habarlaıdy Almaty-akshamy.kz
Adamzatqa bor dáýirinen belgili bolǵan qabyrshaq qanattylardyń búginde jer sharynda júz myńnan astam túri kezdesedi. Al Qazaqstandy mekendeıtin tropıkalyq jándikterdiń 3 myńnan astam sırek túri «Qyzyl kitapqa» engen.
Jándikterdiń rarıtetti túrleri kózdiń jaýyn alyp qana qoımaı, ásemdik álemine erekshe qamqorlyqpen, janashyrlyqpen qaraýdy qalaıdy. Bul kórmede 20 santımetrge jetetin eń iri qońyz, sonymen qatar álemdegi tórt kolleksıonerdiń ǵana jınaǵynda kezdesetin entomologıalyq úlgiler bar.
Belgili profesor, entomolog, natýralıs Pavel Marıkovskıı̆den tálim alǵan entomolog Karına Sársenova óz toptamasyn jabaıy álemdegi ásem jándiktermen jıyrma jyl boıy tolyqtyryp kelgen. Kórme arnaıy shaqyrylǵan ǵalym, entomolog Máskeý memlekettik ýnıversıtetiniń profesory Aleksandr Petrovtyń jetekshiligimen ótti.
Bul qordaǵy úlgiler álemniń 30-dan astam elinen jınalǵan. Zergerlik sheberlikpen toptastyrylǵan qanatty eksponattar ishinde Qazaqstandaǵy tropıkalyq jándikterdiń entomologıalyq toptamasy erekshe kóz tartady.