Qazirgi ýaqytta Qazaqstanda sheteldik jumys kúshin paıdalanatyn 1 883 jumys berýshi bar.
QR Eńbek jáne halyqty áleýmettik qorǵaý mınıstrligi baspasóz qyzmetiniń 2021 jylǵy 1 qazandaǵy málimetinshe, 16 190 sheteldik azamat jergilikti atqarýshy organdardyń ruqsaty boıynsha Qazaqstan Respýblıkasynyń aýmaǵynda qyzmet etip júr, dep habarlaıdy Almaty-akshamy.kz
Qazirgi ýaqytta Qazaqstanda SHJK paıdalanatyn 1 883 jumys berýshi bar. Olarda shamamen 479 myńnan astam Qazaqstan azamattary jumys isteıdi, bul jalpy jumysshylar sanynyń 96%-yn quraıdy.
Eńbek mıgranttary shyǵatyn negizgi elder: Qytaı – 3 807 adam, Ózbekstan – 1 938 adam, Túrkıa – 1 759 adam, Úndistan – 1 075 adam, Ulybrıtanıa – 962 adam.
İshki eńbek naryǵyn qorǵaý maqsatynda QR Eńbek jáne halyqty áleýmettik qorǵaý mınıstrligi jyl saıyn elimizge sheteldik mamandardy tartýǵa arnalǵan kvota belgileıdi. 2021 jyly kvota mólsheri jumys kúshine shaqqanda 0,31%-dy nemese 29,3 myń birlikti qurady.