Qazir em-dom alyp jatqan kenshiler jumysqa jaramdylyǵy jóninde medısınalyq komısıadan ótedi
«ArselorMıttal Temirtaýǵa» qarasty Abaı shahtasyndaǵy metan gazy atylǵannan keıin jansaqtaý bólimine túsken eki kenshiniń beti beri qarady. Bir ajaldan aman qalǵan olar jarylystyń qalaı bolǵanyn aıtyp berdi, – dep habarlaıdy Almaty-akshamy.kz KTK telearnasyna silteme jasap.
«Jatqan jerlerimiz bir jarym, eki metr boldy, barlyǵymyz 8 adam, bir-birimizdiń artymyzdan jattyq. Bir-birimizdiń túrimizdi kórmedik, árqaısymyz óz jumysymyzdy istep jatqanbyz. Tars ete qaldy, sosyn tútin basyp ketti, bitti. Shamdar sóndi, gazdyń ıisi joq. Esimde, birinshi bolyp qulaǵam joq. Birinshi aıaqqa sosyn bitti. Arǵy jaǵyn bilmeımin», – dedi kenshi Jeńis Maralbaev.
Elaıdyn Zeınalov pen Jeńis Maralbaevtyń jansaqtaý bóliminen shyqqanyna ekinshi kún. Esin jıyp alǵan soń, alty áriptesinen aıyrylǵandaryn estigende qatty qaıǵyrǵan. Al ózderin qudaı saqtapty. Resmı málimette bul ekeýi marqumdardan alshaqta bolǵany aıtylǵan. Sóıtse múldem olaı emes eken.
Qazir em-dom alyp jatqan kenshiler jumysqa jaramdylyǵy jóninde medısınalyq komısıadan ótedi. Jaramdy dep tanylsaq, tirshilik qamymen shahtaǵa qaıta túsýden ózge amal joq deıdi. 7-qarashada tańǵy saǵat 8 jarymda Abaı atyndaǵy shahtada metan gazy jarylǵan. Jer astynda júrgen 64 kenshiniń 56-sy qashyp shyqsa, apat oshaǵynda bolǵan 8 kenshiniń altaýy óli tabyldy.