Qalada BRT jelisi qalpyna keltirilip jatyr
Almatyda BRT jelisiniń boıyndaǵy jol jelisin qalpyna keltirý úshin Jandosov kóshesiniń bóligi ýaqytsha jabylady, dep habarlaıdy Almaty-akshamy.kz Almaty qalalyq mobıldilik basqarmasyna silteme jasap.
Vedomstvonyń aqparatyna sáıkes, BRT boıynsha kóshe-jol jelilerin jańǵyrtý jobasyn júzege asyrý aıasynda júrgiziletin jol jóndeý jumystaryna baılanysty 12 jáne 14 qarasha kúnderi túngi ýaqytta saǵat 23:00-den 06:00-ge Jandosov kóshesiniń Súleımenov kóshesinen Tımırázev kóshesine deıingi bóliginde kólik qozǵalysy ýaqytsha shekteletin bolady.
Sonymen qatar, 14 qarasha saǵat 06:00-den 15 qarasha kúngi 06:00-ge deıin №6, 11, 12 troleıbýs marshrýttary ýaqytsha toqtatylady.
«Keltirilgen qolaısyzdyqtar úshin keshirim ótinemiz jáne jol júrý baǵyttaryńyzdy aldyn ala josparlaýlaryńyzdy suraımyz», – delingen habarlamada.