Bul kórsetkish aldaǵy ýaqytta taǵy artýy múmkin
BUU Bosqyndar isteri jónindegi Joǵarǵy Komısary Basqarmasy álemdegi bosqyndar sanynyń 84 mıllıonǵa jetkenin habarlady. Olardyń boljamynsha, bul kórsetkish aldaǵy ýaqytta taǵy da ósýi múmkin, dep habarlaıdy Almaty-akshamy.kz Express Qazaqstan-ǵa silteme jasap.
BUU saıtynda jarıalanǵan derekterge júginsek, 2020 jyldyń aıaǵynan 2021 jyldyń maýsymyna deıin dúnıejúzi boıynsha bosqyndardyń sany 82,4 mıllıonnan 84 mıllıonǵa deıin ósken. Bosqyndardyń deni Kongo men Efıopıadan kelgen. Bulardyń qataryna Mánma men Aýǵanstandaǵy azamattardy qosýǵa bolady.
BUU-nyń bosqyndar isi jónindegi Joǵarǵy komısary Fılıppo Grandıdyń aıtýynsha, bosqyndar sanynyń ósýine eldegi turaqsyzdyq áser etken.
«Halyqaralyq qoǵamdastyq adamdardy úılerin tastap ketýge májbúr etetin zorlyq-zombylyq, qýdalaý jáne adam quqyqtarynyń buzylýyna tosqaýyl qoıa almady», – deıdi Fılıppo Grandı.
Jalpy, sońǵy bir jylda bosqyndardyń basym bóligi bes elden kelgen. Olar: Ortalyq Afrıka Respýblıkasy – 71,8 myń, Ońtústik Sýdan – 61,7 myń, Sırıa – 38,8 myń, Aýǵanstan – 25,2 myń jáne Nıgerıa – 20,3 myń.