Apta sońy elimizde medısına qyzmetkerleriniń kúni. Búginginiń batyry atanǵan izgi jandardyń biri jaıly Almaty-akshamy.kz Tótenshe jaǵdaılar mınıstrligine silteme jasaı otyryp habarlaıdy.
On jyldan astam ýaqyt boıy Astana qalasy boıynsha Apattar medısınasy ortalyǵynyń fılıalynda feldsher Serikbaı Ahmetjanov eńbek etip keledi. Astana qalasynyń aýmaǵynda da, odan tys jerlerde de tótenshe jaǵdaılardy joıýǵa birneshe ret qatysty.
2013 jyly Shyǵys Qazaqstan oblysynda sý tasqyny kezinde kómek kórsetti. 2017 jyly jıyntyq medısınalyq jasaq quramynda Atbasar qalasyn sý basý kezinde zardap shekkenderge kómek kórsetti. Sol kezde 70 zardap shegýshige medısınalyq kómek kórsetti. 2018 jyly aýa-raıynyń kúrt nasharlaýyna baılanysty Aqmola oblysynyń turǵyndary boran men qardyń saldarynan aýrýhanalar men perzenthanalarǵa kire almady. Serikbaı medısınalyq brıgada quramynda muqtaj jandarǵa medısınalyq kómek kórsetip, 117 adamdy evakýasıalady, onyń ishinde úsh bosanǵan áıel. 2019 jyly sý tasqyny kezinde Aqmola oblysy Astrahan aýdanynyń turǵyndaryn 30 astam adamdy qutqardy. 2023 jyly Túrkıa men Aýǵanstandaǵy jer silkinisi kezinde zardap shekkenderge medısınalyq kómek kórsetti.
Barlyq qıyndyqtarǵa qaramastan, ol óz jumysyn óte jaqsy kóredi