QR Ónerkásip jáne qurylys mınıstrligi sý tasqynynyń zardaptaryn joıý jáne azamattardy turǵyn úımen qamtamasyz etý boıynsha is-sharalardy baqylaıdy.
Aǵymdaǵy derekter boıynsha Arqalyq q. 94 turǵyn úı apatty dep tanylǵan. Zardap shekken azamattarǵa 68 páter satyp alyndy, 418 úıde qalpyna keltirý jumystary júrgiziledi, dep habarlaıdy Almaty-akshamy.kz Ónerkásip jáne qurylys mınıstrligine silteme jasap.
Árbir otbasyna baspanasyn qalpyna keltirýdiń birneshe nusqasy usynyldy: óz betinshe qalpyna keltirý jumystaryn júrgizý úshin aqshalaı ótemaqy, jańa úı satyp alý nemese jóndeý jumystary.
Sonymen qatar, Arqalyq q. sý tasqyny saldarynan baspanasynan aırylǵandar azamattarǵa 50 páterli «aqyldy» úı salynýda. Turǵyn úıdi «BAZIS» kompanıalar toby óz qarajatyna salyp jatyr.
«Tumar» sımvoldyq ataýy bar jańa turǵyn úı Face ID beıne esik qońyraýlarymen jabdyqtalǵan. Úı qurylysy mamyr aıynyń ortasynda bastalǵan. Nysandy kúzge qaraı paıdalanýǵa berý josparlanǵan.