Taý shańǵysynan Qazaqstan komandasynyń bas bapkeri Olympic.kz saıtyna suhbat berip, Beıjiń Olımpıadasyna joldamalardyń qalaı úlestirilgenin aıtty
Ulttyq Olımpıadalyq komıtettiń dereginshe, taý shańǵysynan Qazaqstan komandasynda slalom jáne gıgantty slalom boıyna úsh kvota bar, dep habarlaıdy Almaty-akshamy.kz
Olımpıadaǵa erler arasynan Zahar Kýchın qatysady, al áıelder arasyndaǵy bir joldamaǵa Aleksandra Troıskaıa men Karolına Lata úmitker.
Bas bapker Alekseı Shýbınniń aıtýynsha, áıelder arasynan Beıjińge kimniń baratyny baqylaý jattyǵýynda sheshiledi.
«Bizde áli kúnge deıin kvotalardy bólý prosesi júrip jatyr. Qazirgi sátte Zahar Kýchınniń joldamasy resmı túrde rastalǵanyn aıta alamyz. Zahar Shyǵys Qazaqstan oblysynan shyqqan tájirıbeli sportshy. Ol 2017 jylǵy Azıa oıyndaryna, 2017-2019 jyldardaǵy Ýnıversıadaǵa, qurlyqtyq týrnırler men chempıonattarǵa qatysqan. Qazir ol Olımpıada aldyndaǵy sońǵy jattyǵýlaryn ótkizip jatyr.
Áıelder arasynda joldamaǵa Aleksandr Troıskaıa men Karolına Lata úmitker. Ekeýiniń biri barady. Troıskaıa 2020 jylǵy jasóspirimder Olımpıadasynyń qatysýshysy. Sońǵy sheshimdi biz baqylaý jattyǵýynda qabyldaımyz. Qazir Shymbulaqta daıyndyq ótýde, báriniń de densaýlyǵy jaqsy», - dedi bas bapker.