Memleket basshysynyń tapsyrmasyn oryndaý úshin pedagogterdi atestattaýdan ótkizý rásimin jetildirý jóninde is-sharalar qabyldanatyn bolady.
Bul jaıynda Májilis depýtattarynyń saýalyna Úkimet basshysy Álıhan Smaıylovtyń jaýabynda aıtylǵan. Premer-Mınıstr osy maqsatta pedagogıkalyq qoǵam ókilderi men sarapshylar qatarynan jumys toby qurylǵanyn atyp ótti.
Onyń aıtýynsha, jumys nátıjeleri boıynsha normatıvtik-quqyqtyq aktilerge tıisti ózgerister engiziletin bolady.
«Bul rette, atestattaý prosesiniń shynaıylyǵyn, ashyqtyǵyn qamtamasyz etý úshin pedagogterdiń portfolıosyn qaraý ártúrli aqparattyq júıelerden derekter avtomatty túrde qalyptastyrylatyn biryńǵaı elektrondyq platformada júzege asyrylatyn bolady. Atestattaýdyń árbir kelesi kezeńine jiberý de avtomatty túrde júzege asyrylatyn», - dedi Álıhan Smaıylov.