Kórshi el sáýir-shilde aralyǵynda Qazaqstannan 100 myń tonna bıdaı satyp alýdy josparlaǵan.
Ózbekstan bıligi memlekettik rezervke syrtqy naryqtan 600 myń tonna bıdaı satyp almaq, dep habarlaıdy Almaty-akshamy.kz İnbusiness.kz-ke silteme jasap.
Ózbekstan Úkimeti jarıalaǵan qaýlyda bılik memlekettik rezervke syrtqy naryqtan 600 myń tonna bıdaı satyp alýǵa nıetti ekeni jazylǵan. Onyń ishinde bıyl sáýir-shildede Qazaqstannan 100 myń tonna bıdaı satyp alý jospary kórsetilgen.
«Usynys maquldansyn... Sáýir-shildede Qazaqstannan úshinshi surypty 100 myń tonna bıdaı (osy kólemniń bir bóligi — un) qolaıly baǵamen ımporttaý», - dep jazylǵan lex.uz ulttyq zańnama bazasynyń saıtynda jarıalanǵan qujatta.
Qujatqa Ózbekstan mınıstrler kabıneti janyndaǵy memlekettik rezervterdi basqarý komıteti men Qazaqstannyń Azyq-túlik kelisimshart korporasıasy qol qoıady dep josparlanyp otyr.