Búgin buqaralyq aqparat quraldarynda Memleket basshysy Qasym-Jomart Toqaevtyń Qazaqstanda Konstıtýsıaǵa engiziletin túzetýler jobasy boıynsha referendým ótkizý týraly usynysy jaryq kórdi. Bul týraly Senat depýtaty Aqmaral Álnazarova aıtty, dep jazady Almaty-akshamy.kz baq.kz-ke silteme jasap.
"Ádette referendýmdar kóbinese mańyzdy zań aktisin, qujatty, Konstıtýsıaǵa túzetýlerdi qabyldaý úshin ótkiziledi. Konstıtýsıaǵa bul túzetýler irgeli sıpatqa ıe jáne eldiń saıası júıesin túbegeıli ózgertetin ózgerister. Óz basym bul usynysty quptarlyq dep kórem, sebebi bul referendým Prezıdentimizdiń «halyqtyń únine qulaq asatyn memleket» konsepsıasynyń jalǵasy retinde sıaqty", - dedi Álnazarova.
Depýtat ataǵandaı, ondaǵy basty ıdeıa - azamattyń múddeleri basty orynǵa shyǵarý.
"Onda memlekettik organdardyń azamattarmen ózara árekettese otyryp, azamattardyń sheshim qabyldaý jáne olardyń baqylaý prosesine tartylýyna múmkindik beretin kedergisiz memleket qurý dep bilemin. Konstıtýsıaǵa túzetýlerdi referendým ótkizý arqyly engizý, bul halyqtyń erik bildirýiniń jarqyn kórinisi, sebebi árbir azamat «Jańa Qazaqstannyń» qurylysyna qatysa alady", - dedi Álnazarova.