Halyqaralyq «Qazaq» tili qoǵamynyń astanalyq fılıaly tóraǵasy Qanat Áýesbaı Memleket basshysynyń Konstıtýsıaǵa enetin ózgerister boıynsha referendým ótkizý týraly usynysyna pikir aıtty, dep habarlaıdy Almaty-akshamy.kz Qazaquni.kz-ke silteme jasap.
«Prezıdent aıtqan Konstıtýsıaǵa enetin ózgerister boıynsha referendým ótetini týraly jańalyqty yqylastana tyńdadyq. Eń aldymen referendým halyqtyń oı erkin aıqyn bildirýge zor múmkindik dep bilemin. Tóte demokratıanyń dańǵyl joly osy bolmaq. Sońǵy ret referendýmnyń elimizde 17 jyl buryn ótkeni este. Ol tustaǵy Qazaqstandaǵy saıası paradıgma múlde basqa edi. Endigi jerde konstıtýsıaǵa enetin ózgerister jańa saıası reformalardyń bastaýy bolmaq. «Ekinshi respýblıkanyń» mánin osy turǵydan izdegen abzal. Bir aıta keteri, Ata zańǵa enetin 33 ózgeristiń árqaısyn aldymen qoǵam talqysyna salyp, ábden ıleýden ótkizip alý kerek. Esesine eldiń kókeıindegisin tap basqan ózgeristerdi halyqtyń qabyldaýy da soǵurlym jeńil bolady dep esepteımin» – dedi ol.
Onyń sózinshe Ata zań reformasy bılik tarmaqtary arasyndaǵy tepe-teńdikti saqtap, halyqtyń el basqarý isine qatysý quzyryn keńeıtedi.
«Qazirdiiń ózinde bul ózgerister memlekettik bıliktiń júıeli túrdegi transformasıasy dep atalyp ketti. Ázirge elimizdiń konstıtýsıalyq keńesi bul ózgeristerdi qarastyryp jatyr. Elimizdiń saıası tarıhyndaǵy aıshyqty oqıǵa dep qabyldaýǵa bolatyn memleket basshysynyń bastamasyna «Jańa Qazaqstan» jáne «Qulaq asatyn memleket» tujyrymdamasyna tolyq saı keledi» – deıdi Qanat Áýesbaı.