Oǵan jaýap – profılaktıkada, bilim berýde jáne dana tálimgerlikte.
Búgin, ókinishke qaraı, keıbir jasóspirimder tóbeles pen odan da aýyr qylmystarǵa baryp júr. Kópshiligi zańdy buzyp jatqanyn bilmegen. Olar bul úshin jaýapkershiliktiń bar ekenin túsinbegen.
Naǵyz qaýip - quqyqtyq saýatsyzdyq.
Sondyqtan biz ýákiletti organǵa mańyzdy usynys jasadyq – 7-synyptan bastap mektepterde «Zań jáne Tártip» atty mindetti pán engizý. Bul pándiqyzmettegi zańgerler men quqyq qorǵaý organdarynyń ardagerleri júrgizse, olar tek bilimmen emes, ómirlik tájirıbemen de bólise alady.
Jasóspirim zańnyń mánin túsingende – ol qorqynysh pen beıbastaqtyq emes, baǵyt pen tártipke ıe alady.
Habardar adam qarýlanǵanmen teń.
Eger jasóspirim alǵan bilimin tek synyptastarymen ǵana emes, otbasymen, kórshilerimen de bólise alsa – bul jaman ba?
Biz mundaı sabaqtardyń sanaly, jaýapty, zań men tártipke qurmetpen qaraıtyn jas urpaqty tárbıeleýge kómektesetinine senimdimiz.
Ulttyq quryltaıdyń IV otyrysynda Memleket basshysy Qasym-Jomart Kemeluly Toqaev «Adal azamat tujyrymdamasynyń ıdealdaryna saı patrıottyq rýhta tárbıelengen, bilimdi, jasampaz urpaqty tárbıeleýdiń mańyzdylyǵyn taǵy da atap ótti.
Demek, durys tárbıe men zańdy bilý arqyly ǵana biz ádiletti qoǵam qura alamyz.