İshimdik iship, basqa bir jolaýshyǵa balaǵat sózder aıtqan
29 qańtarda Qostanaı – Almaty baǵytyndaǵy jolaýshylar poıyzy Qaraǵandy oblysynyń Aqadyr stansıasynda toqtap, poıyz bastyǵynyń aktisi boıynsha ishimdikke sylqıa toıyp alǵan eki áıel túsirilip, polısıa qyzmetkerlerine tapsyryldy, dep habarlaıdy Almaty-akshamy.kz.
Tekserý barysynda kólik polıseıleri Almaty qalasy men Qaraǵandy oblysynyń 50 jáne 55 jastaǵy turǵyndaryn anyqtady. Olar poıyz ishinde alkogóldik ishimdik iship, basqa bir jolaýshyǵa balaǵat sózder aıtqan, osylaısha qoǵamdyq tártipti buzǵan.
"Medısınalyq kýálandyrýdyń qorytyndysyna sáıkes, olar “jeńil jáne ortasha dárejeli” masań kúıde bolǵan. Tártip saqshylary quqyq buzýshylarǵa qatysty ÁQBtK-niń 440-baby jáne 434-baby boıynsha birden eki ákimshilik hattama toltyryp, 5 AEK mólsherinde aıyppul saldy", - dedi QR İİM.
Sondaı-aq materıaldar sotqa joldandy.
Aıta keteıik, quqyq buzǵan jolaýshy áıelderdiń biri alkogóldik ishimdik tutyný jáne usaq buzaqylyq jasaǵany úshin ekinshi ret ákimshilik jaýapkershilikke tartylyp otyr. Ol 15 táýlikke deıin ákimshilik qamaýǵa alynýy múmkin.