Bul týraly búgin Ortalyq komýnıkasıalar qyzmetinde ótken brıfıń barysynda QR Indýstrıa jáne ınfraqurylymdyq damý mınıstrliginiń ókilderi málimdedi.
1 kategorıaly joldardyń aqyly ýchaskeleri boıynsha júrý tarıfteri ózgerissiz qalady, dep habarlaıdy Almaty-akshamy.kz
Birinshi kategorıaly jańa aqyly ýchaskelerde júrý úshin tólem tarıfterin 2013 jylǵy deńgeıde qaldyrý josparlanýda.
«Aqyly jolmen júrý tarıfteri 2013 jyly birinshi aqyly ýchaske engizilgen kezdegi deńgeıde qalǵanyn aıtyp ótý qajet: jeńil avtokólikter úshin - 1 shaqyrymyna 1 teńge, aýyr júk kólikteri úshin - 1 shaqyrymyna júk kóterimdiligine baılanysty 5 teńgeden 25 teńgege deıin. Salystyryp qarasaq, kórshiles Reseıde jeńil avtokólikter 1 shaqyrym úshin 7 teńge jáne júk kólikteri 7-den 55 teńgege deıin tóleıdi. Al Eýropa elderindegi tarıfterge keletin bolsaq, tólem júk kólikteri úshin 5 ese, al jeńil avtokólikter úshin 20 ese joǵary», - dep atap ótti vıse-mınıstr Berik Kamalıev.