Qylmystyq quqyq buzýshylyqtardyń ashylý deńgeıi 4,1%-ǵa jaqsardy.
Almaty polıseıleri qyzmettik polısıa jobasynyń nátıjeleri týraly aıtty, dep habarlaıdy Almaty-akshamy.kz.
İshki ister mınıstrliginiń resmı saıtyndaǵy málimet boıynsha, polısıa jumysyna qyzmettik tásildi engizý tujyrymdamasy Almatyda aǵymdaǵy jyldyń mamyrynda İshki ister mınıstri Erlan Turǵymbaevtyń qatysýymen, qala ákimi Baqytjan Saǵyntaevtyń tóraǵalyǵymen ótken qoǵamdyq qaýipsizdik máselelerine arnalǵan onlaın-keńes barysynda usynylǵan bolatyn. Búginde jańa tujyrymdama pılottyq joba retinde Bostandyq pen Alataý aýdandarynda synaqtan ótýde.
«Memleket basshysy Qasym-Jomart Toqaev jyl saıynǵy Joldaýynda polısıa qyzmetiniń qyzmettik jobasynyń júzege asyrylatynyn jarıalady. Sondaı-aq ol onyń jumysynyń tabysy jan-jaqty kómektesýi tıis jergilikti bıliktiń qatysýyna baılanysty ekenin atap ótti. Jaqynda ǵana Qazaqstan Respýblıkasy Qaýipsizdik Keńesiniń hatshysy Áset Isekeshev, sondaı-aq el Prezıdenti Ákimshiliginiń quqyq qorǵaý júıesi bóliminiń meńgerýshisi Alekseı Kalaıchıdı Almatynyń PD-de boldy. Kezdesý barysynda qalamyzda polısıa qyzmetiniń modelin engizý máseleleri talqylandy. Búgin biz osynda jınalyp, qoǵamdyq qaýipsizdikti qamtamasyz etýde qyzmettik tásildi engizý boıynsha pılottyq jobaǵa qatysty problemalyq máselelerdi talqyladyq», – dedi Almaty qalalyq polısıa departamentiniń bastyǵy Qanat Taımerdenov.
Polısıa jumysynyń qyzmettik modeliniń pılottyq jobasy “qadaǵalaýdan” “qyzmet kórsetýge” kóshýdi boljaıdy. Sonymen qatar polısıa azamattyq qoǵamnyń qatysýymen qylmystar men quqyq buzýshylyqtardyń belsendi aldyn alýǵa baǵyttalǵan.
«Shaharda jaıaý patrúlder kúsheıtildi, krımınaldy aımaqtarda modýldik polısıa pýnkteri ornatylýda. Sondaı-aq beınebaqylaý jelisi keńeıip, qaýipsizdikti baqylaýdyń ıntellektýaldy júıeleri engizilýde. Qabyldanǵan sharalar aǵymdaǵy jyldyń segiz aıynda qylmys deńgeıin 7,3%-ǵa azaıtty. Bul rette qylmystyq quqyq buzýshylyqtardyń ashylý deńgeıi 4,1%-ǵa jaqsardy. Pılottyq joba quqyq buzýshylyqtyń aldyn alý salasyndaǵy memlekettik organdardyń jumysyn uıymdastyrý tásilderin ózgertýge kómektesedi. Almatyda belgili bir aımaqtaǵy qylmystyq ahýalǵa egjeı-tegjeıli taldaý júrgizgen vedomstvoaralyq top quryldy. Sonymen qatar qaýipsizdik máseleleri boıynsha jergilikti qoǵammen jemisti qarym-qatynas ornatty. Maqsat – qoǵamnyń qajettilikterine jaýap beretin jáne onymen seriktestikte jumys isteıtin kásibı, ókiletti, esep beretin organ qurý», – dep túıindedi Qanat Taımerdenov.