Aqtóbede Dımash Qudaıbergen úshin arnaıy týrısik baǵyt ázirlengen.
Aqtóbe qalasyna ánshi Dımash Qudaıbergenniń fanattary keldi. Álemniń birneshe elinen jınalǵan jankúıerler oqý oryndary men qalanyń kórikti jerlerin aralaýǵa shyqty, dep habarlaıdy Almaty-akshamy.kz QazAqparatqa silteme jasap.
Aqtóbede Dımash Qudaıbergen úshin arnaıy týrısik baǵyt ázirlengen. Eki kúndik sapar kezinde ánshiniń fanattary men shyn janashyrlary mektepke, mýzykalyq kolej ben ol turǵan úıge barýdy josparlady.
«Aqtóbege álemniń bes elinen fanattar keldi. Olar úshin eki kúndik týrısik sapar uıymdastyryp berip otyrmyz. Alǵashqy kúni olar №32 mektep gımnazıasyna barady. Munda ánshiniń ustazdarymen kezdesip, oqýshy Dımashty tanı alady. Mýzykalyq kolejde de oqytýshylarymen kezdesip, stýdent shaǵyndaǵy mekenmen tanysýǵa múmkindik jasalǵan. Sonymen birge Dımashtyń úıine baryp, tanysady. Qalany aralaý, kórikti jerlerine saıahat ta qarastyrylǵan», - týrısik kompanıanyń bas dırektory dedi Meıramgúl Balǵojına.
Onyń aıtýynsha, bir ǵana týrısik kompanıa Dımash Qudaıbergenniń án keshi bolatyn kezde 200-den astam týrısi qabyldap, qyzmet kórsetpek. Olar álemniń 35 elinen ótinish bildirgen. Alǵashqy legi, ondaǵy 11 fanat Aqtóbeni kórýdi maqsat etken. Osy jolmen týrıserdi ákelý jalǵasa beredi.
«AQSH, Ulybrıtanıa, Ýrýgvaı, Lıtva, Malaızıa, Vetnamnan bar. Jalpy mundaı týrdy 2017, 2019 jyldary uıymdastyrdyq. Jalpy fanattar Almaty, Astana, Túrkistan, Taraz, Shymkentke barady. AQSH-tan kelgen fanattyń biri Aralǵa baryp, onyń problemasyn kóterýdi kózdep otyr», - dedi Meıramgúl Balǵojına.
Eske salsaq, Dımash Qudaıbergen Aqtóbedegi №32 mektep-gımnazıada bilim aldy. Ol oqýshy kezinde Abaıdyń qara sózderin jatqa oqydy.
Bastaýysh synyp muǵalimi qazir de osy mektepte sabaq beredi. Ol oqýshysynyń fanattaryna bala Dımash jaıly aıtyp berýden sharshaǵan emes.