DDSU-nyń málimeti boıynsha sút bezi qaterli isigi – áıelder óliminiń basty sebebiniń biri.
Onkologıa ortalyǵy 2022 jyldyń 1 qazanynan bastap ár senbi saıyn (1,8,15,22,29) sút bezi qaterli isigin erte anyqtaý boıynsha Ashyq esik kúnderin ótkizedi, dep habarlaıdy Almaty-akshamy.kz
1993 jyly Dúnıejúzilik densaýlyq saqtaý uıymy (DDU) Dúnıejúzilik sút bezi qaterli isigine qarsy kúres kúnin belgiledi, ol jyl saıyn 15 qazanda ótedi.
-Jyl saıyn álemde sút bezi qaterli isikpen 2 300 000 jaıt anyqtalǵan.
-Ólim-jitim - 685 000 jaǵdaı
-Aýrý qarqyndy damyp keledi: kóbinese ol 40 jasqa deıingi adamdarda kezdesedi.
-Ár 8-áıeldiń biri ómirinde sút bezi qaterli isigine shaldyǵý qaýpi bar.
Almaty qalasynda 6635 áıel sút bezi qaterli isik dıagnozymen esepte tur.
Statısıkaǵa sáıkes, qalada jyl saıyn 700-ge jýyq sút bezi qaterli isigimen aýyratyn áıelder anyqtalady, ıaǵnı bul patologıamen qalada kúndelikti 2 áıel aýyrady. 2021 jyly Almaty qalasynda sút bezi qaterli isiginen 192 áıel qaıtys boldy, onyń 50 paıyzy – eńbekke qabiletti jastaǵylar. Sút bezi qaterli isiginiń qaýip faktorlary: tuqym qýalaýshylyq (anasynda, apalarynda aýrýdyń bolýy), jaman ádetter (alkogóldi qabyldaý, temeki shegý), gormonaldy teńgerimsizdik (emshek emizýden bas tartý, endokrındik aýrýlar, gormonaldy kontraseptıvterdi baqylaýsyz qoldaný) jáne t.b.
Qaterli isikterdi erte anyqtaýda mańyzdy ról atqarady:
-sút bezin únemi ózin-ózi tekserý;
-emhanada mammologtyń jyl saıynǵy profılaktıkalyq tekserýi;
-40 jastan 70 jasqa deıingi áıelder úshin 2 jylda bir ret mammografıadan ótý.
Dúnıejúzilik sút bezi qaterli isigine qarsy kúres kúni aıasynda Almaty onkologıa ortalyǵynda 2022 jyldyń 1 qazanynan bastap ár senbi saıyn (1,8,15,22,29) sút bezi qaterli isigin erte anyqtaý boıynsha Ashyq esik kúnderi ótkiziledi.
Ótkizý orny men ýaqyty: Almaty onkologıa ortalyǵy, Papanın k-si, 220, lıter A, 1 qabat, saǵ. 09.00-den 13.00-ge deıin.
Barlyq qyz-kelinshekterdi tegin tekserýge shaqyramyz!