Aqtóbede jasóspirimder arasyndaǵy tóbeles kezinde kózinen aýyr jaraqat alǵan Tamerlan Myrzabaıdyń týystary tergeýdi qaıta júrgizýdi talap etip otyr, dep habarlaıdy Aqshamnews.kz tilshisi "Sedmoı kanalǵa" silteme jasap.
Túnde bolǵan janjal beınebaqylaý kamerasyna túsip qalǵan. Kadrlarda Tamerlannyń qurdastarynan qorǵanyp jatqan sáti kórinedi. Bir mezette onyń betine qatty soqqy tıip, kózildirigi shaǵylyp ketedi. Shyny synyǵy kóz janaryna kirip ketken.
Tamerlan buryn jıý-jıtsýmen aınalysqan sportshy bolǵan. Alaıda jaraqattan keıin ol jarystarǵa qatyspaq túgili, kún sáýlesine týra qaraı almaı qalǵan.
Týystarynyń aıtýynsha, ol densaýlyǵyna baılanysty sabaqtan da qol úzip otyr. Alda ony uzaq ońaltý kezeńi men ota kútip tur.
Bastapqyda is eki bap boıynsha"Buzaqylyq" jáne "Ortasha aýyrlyqtaǵy dene jaraqatyn keltirý" tergelgen. Alaıda keıin polısıa "Buzaqylyq" babyn jaýyp tastaǵan. Jábirlenýshiniń jaqyndary endi istiń ekinshi bóligi de jeńil bapqa aýysyp ketpeı me dep alańdaýly ekenin aıtty.