Soltústik Qazaqstan oblysynda úsh adamnyń jumbaq ólimine baılanysty tergeý bastaldy, - dep habarlaıdy Aqshamnews.kz tilshisi "KTK" telearnasyna silteme jasap.
Olardyń denesi Poltavka aýylyndaǵy órtengen úıden tabylǵan. Marqumdardyń biri sol úıdiń ıesi.
Baspanada órt keshke tutanǵan. Oqıǵa orynda úsh arnaıy tehnıka men segiz órt sóndirýshi jumys istegen. Alaıda baspananyń túgi qalmaı órtendi. Kúldiń arasynan 58 jastaǵy úıi ıesi áıel adamnyń jáne jasy 44 jáne 46 daǵy eki er adamnyń denesi tabyldy. Onyń biri áıeldiń kúıeý balasy eken. Sol otyrysta bolǵan úı ıesiniń 35 jastaǵy qyzy aman qalǵan degen aqparat bar. Sarapshylar marqumdar órtten emes, adamnyń qolynan qaza tapqan degen boljap otyr.