Sońǵy ret olar 25 qarasha kúni keshke baılanysqa shyqqan
Aqtóbe oblysynda tórt geolog joǵalyp ketti. Keshe izdeý jumystary bastalyp, eýrokopter tikushaǵy iske qosyldy, dep habarlaıdy Almaty-akshamy.kz TJD-ǵa silteme jasap.
TJ departamentinde habarlaǵandaı, 25 qarashada geologtar Qarabutaq kenti - Taldyq aýyly - Qaıyńdy aýyly - Qaıraqty aýyly baǵyty boıynsha «ÝAZ» avtokóligimen jolǵa shyqty. Sońǵy ret olar 25 qarasha kúni keshke Taldyq aýylyna jetpeı baılanysqa shyqqan.
«Áıteke bı aýdanynda tórt geolog izdestirilýde, olar 25 qarashada tańǵy saǵat 10-da Qarabutaq kenti - Taldyq aýyly - Qaıyńdy aýyly - Qaıraqty aýyly baǵyty boıynsha «ÝAZ» avtokóligimen shyǵyp, baılanysqa shyqpady», - dep habarlady TJD baspasóz qyzmeti.
Búging 33 adamnan quralǵan bes izdeý toby jáne segiz tehnıka izdeý jumystaryna jumyldyrylyp, Aqtóbe - Qumsaı - Qaıraqty - Qaıyńdy - Mılysaı - Araltoǵaı baǵyty boıynsha «Qazavıaqutqarý» eýrokopteri ushyp shyqty.