Keshe "112" operatorynyń púltine habarlama kelip tústi. Pavlodar oblysynyń Aqsý qalasynda jer jumystaryn júrgizý kezinde er adamnyń ústine qum qulap ketken, - dep habarlaıdy aqshamnews.kz tilshisi TJM-ǵa silteme jasap.
Oqıǵa ornyna qutqarýshylar dereý shyqty. Promyshlennaıa kóshesinde ornalasqan JSHS-niń biriniń aýmaǵynda jer qazý jumystary kezinde topyraq qulaǵan, nátıjesinde 1998 jyly týǵan er adam úıindi astynda qalyp qoıǵan.
Qutqarýshylar sý qubyry qudyǵyndaǵy paıda bolǵan kishkene oıyq arqyly zardap shegýshige arnaıy jabdyqtyń kómegimen ottegin jedel berdi. Sonymen qatar, ony jer astynan bosatý boıynsha qutqarý jumystary júrgizildi.
Sátti aıaqtalǵan qutqarý operasıasynan keıin er adam jedel medısınalyq járdem brıgadasyna tapsyryldy.