Almaty qalasynyń Jetisý aýdanynda respýblıkalyq «Taza Qazaqstan» aksıasyn qoldaý maqsatynda 1000-nan astam aýdan turǵyny senbilikke shyqty.
Aýqymdy ekologıalyq sharaǵa aýdan turǵyndary, memlekettik jáne jeke mekemeler, qoǵamdyq uıymdar, jastar men qarttar qaýymy belsene atsalysty.
İs-shara barysynda 25 arnaıy tehnıka kúshimen Serikov kóshesi (Angarskaıa kóshesinen Qazybaev kóshesine deıin), Abylaı han dańǵyly, Aqpaev pen Iablochkov kósheleriniń boıyndaǵy aýmaqtar tazartyldy. Turǵyndar óz kúshterimen aýla mańaılaryn retke keltirdi. Nátıjesinde 65 tekshe metrden astam turmystyq qaldyq shyǵaryldy.
Sondaı-aq, Seıfýllın men Jansúgirov kósheleriniń qıylysynda aýdan ákimi men prokýrorynyń qatysýymen 100 dana Raıka surpyndaǵy alma aǵashy, 10 baltyq úıeńkisi jáne 25 qyzǵaldaq aǵashy otyrǵyzyldy.
Aldaǵy ýaqytta aýdan aýmaǵynda 1000-nan astam japyraqty aǵash kóshetterin otyrǵyzý josparlanýda.