Oblysta jan basyna qarjylandyrý tetigin iske asyrý maqsatynda aǵymdaǵy jyly sport seksıalarynda 10 000 balany qamtý josparlanǵan.
QR Prezıdentiniń Qasym-Jomart Toqaevtyń «Halyq birligi jáne júıeli reformalar – el órkendeýiniń berik negizi» atty joldaýynyń aıasynda Almaty oblysynda buqaralyq sportty damytý qarqyndy júzege asýda, dep habarlaıdy Almaty-akshamy.kz ákimdiktiń baspasóz qyzmetine silteme jasap.
Almaty oblysynda buqaralyq sportty damytýdy boıynsha kelesi jumystar júrgizilýde. Sonyń bir dáleli aımaqtaǵy sport nysandarynyń sanynyń 131 birlikke artýy. Qazirgi kezde óńirde jalpy sany 3718 sport ǵımaraty jumys isteıdi.
Búgingi kúni oblysta 13 dene shynyqtyrý – saýyqtyrý kesheni el ıgiligine qoldanysqa berildi. Aldaǵy tańda Aqsý aýdany, Jansúgirov aýylynda DSHSK qurylysy aıaqtalyp, paıdalanýǵa berý josparlanyp otyr.
«Negizinen aımaqta 54 sport mekemeleri bar. Oblystyń aýdandary men qalalarynyń 45 sport mektebinde 72 sport túrimen 42 500 sportshy shuǵyldanady. Oblysta dene shynyqtyrýmen jáne sportpen júıeli túrde aınalysatyndardyń sany 667 myń adamdy quraıdy, bul oblys halqynyń 32% - y quraıdy»,-deıdi Almaty oblysy dene shynyqtyrý jáne sport basqarmasynyń basshysy Nurbaqyt Teńizbaev.
Oblysta jan basyna qarjylandyrý tetigin iske asyrý maqsatynda aǵymdaǵy jyly sport seksıalarynda 10 000 balany qamtý josparlanǵan, búgingi kúni sport seksıasyna balalarǵa barý úshin 1334 vaýcher berildi. Sondaı-aq, osy jyly oblystaǵy buqaralyq sportty damytýǵa 21,5 mlrd. teńge qarjy bólindi.
Sporttyq-buqaralyq is-sharalardyń Kúntizbelik josparyna sáıkes oblys aýmaǵynda sport túrleri boıynsha spartakıadalar, týrnırler jáne birinshilikter ótkiziledi. Dene shynyqtyrý jáne sport salasyndaǵy kórsetkishterdi jaqsartý jáne joǵary nátıjelerge qol jetkizý jónindegi jumys jalǵastyrylatyn bolady.