Otbasy kúni qarsańynda «Mereıli otbasy» ulttyq baıqaýynyń laýreattaryn onlaın formatta marapattaý rásimi ótti.
Rásimniń ashylýynda Qazaqstannyń Memlekettik hatshysy Qyrymbek Kósherbaev memleket Basshysy Qasym-Jomart Toqaevtyń quttyqtaý sózin oqyp, óskeleń urpaqty tárbıeleý jáne otbasylyq qundylyqtardy nyǵaıtýdaǵy baıqaýdyń mańyzdylyǵyn atap ótti, dep habarlaıdy Almaty-akshamy.kz.
- Biz árbir qazaqstandyq otbasynda kelisim, baqyt jáne amandyq atmosferasy ornaǵanyn qalaımyz. Sondyqtan da men otbasylyq saıasatqa erekshe nazar aýdaramyn. Otbasy ınstıtýty óskeleń urpaqtyń boıynda adamgershilik, parasattylyq, eńbeksúıgishtik, patrıotızm sıaqty qasıetterdi qalyptastyrýda úlken ról atqarady. Halqymyz qaı kezde de úlkendi syılap, jastardy qoldap, olarǵa úlgi-ónege kórsetedi. Jahandaný jaǵdaıynda bizdiń dástúrli rýhanı qundylyqtarymyzdyń qazirgi qazaqstandyq qoǵam ómiriniń ajyramas bóligine aınalýy mańyzdy. Buǵan Otbasy kúnine oraılastyrylǵan jyl saıynǵy jalpyulttyq baıqaý aıtarlyqtaı úles qosýda, - delingen Prezıdenttiń quttyqtaýynda.
Baıqaýǵa Almatynyń atynan dárigerler áýleti qatysty. Bul otbasynda osymen úshinshi býyn azamattardyń densaýlyǵyn qorǵaý salasynda eńbek etip jatyr.
- Qazaqstan Táýelsizdiginiń otyz jyldyǵy bizdiń otbasymyz úshin de erekshe. Meniń ata-anamnyń shańyraq kótergenderine bıyl 65 jyl toldy, - deıdi Almagúl Ahmetova.
Onyń aıtýynsha, medısına olardyń da otbasyn qurýyna sebep bolǵan. Jas qyz Qulsara Aımyrza Ahmetov jumys isteıtin aýrýhanaǵa túsken. Aımyrza aýrýhanany aralaý kezinde sulýǵa nazary aýyp, olardyń arasynda birden sezim ushqyny paıda bolǵan.
-Meniń ata-anamnyń árqaısysynyń mundaı sezim ushqynnyń ózindik nusqasy bar – ákem muny ádettegi temperatýranyń joǵarylaýymen túsindiredi, al anam shekke azdap qyzarǵanyn aıtady. Biraq bul mahabbat faktisi ekenin joqqa shyǵarmaıdy, - dep jymıdy qyzy Almagúl.
Qazir Ahmetovtar otbasynda úsh bala, bes nemere jáne bes shóbere bar. Sonymen qatar, tipti keıbir nemereleri medısına jolyn tańdaýdy sheshken.
- Bizdiń otbasymyzdyń basty ereksheligi - bul birlik. Bizde otbasylyq dástúrler kóp, biraq eń bastysy – jańa jyldyq úlken dastarhan basynda jınalyp, josparlarymyzben, jetistikterimizben jáne jańa maqsattarymyzben bólisý, – deıdi Ahmetovtar otbasynyń ókili.
Aıta ketý kerek, bıyl baıqaýdy ótkizýdiń jańa tásilderi engizilgen bolatyn, soǵan sáıkes, endi jyl saıyn ár óńirden 17 úzdik otbasy anyqtalady. Aǵymdaǵy jyly óńirlik konkýrstyq komısıalarǵa 2768 ótinim kelgen.
Jańa erejeler boıynsha ótinimder tek otbasylardan ǵana emes, uıymdardan da qabyldandy.
Memleket basshysynyń atynan laýreattardyń otbasylaryna estelik syılyqtar men aqshalaı sertıfıkattar tabystaldy.
Maqala «Semeınye sennostı» gazetiniń 11.09.2021 jylǵy №109 sanynda jarıalanǵan.