Avtokóliktiń esiginiń ashyq ekenin baıqap, bes myń teńge aqshany urlap ketken
Jýyrda E. esimdi azamat Qazaqstan Respýblıkasy QK-niń 188-babynyń 3- bóliginiń 3-tarmaǵymen kináli dep tanylyp, eki jyl bas bostandyǵyn shekteý jazasy taǵaıyndalǵan, dep habarlaıdy Almaty-akshamy.kz.
Qyzylorda oblysy boıynsha QAJD baspasóz qyzmetiniń málimetinshe, jaza óteýiniń búkil merzimi ishinde jyl saıyn 100 saǵattan aspaıtyn májbúrli eńbek taǵaıyndalyp, probasıalyq baqylaý belgilengen.
Óziniń aıtýynsha kóshede turǵan avtokóliktiń esiginiń ashyq ekenin baıqap, bes myń teńge aqshany urlap ketken.
Qazirgi tańda ol óziniń turǵylyqty jeri boıynsha jergilikti atqarýshy organy belgilegen orynda májbúrli túrde kúnine 4 saǵattan aspaıtyn ýaqytta tazalyq jáne kógaldandyrý jumystarymen aınalysýda.
Qyzylorda qalalyq probasıa esebinde 500-den astam sottalǵan esepte bolsa, probasıa qyzmetiniń ınspektory ádilet kapıtany Jadyra Ismaılovanyń óndirisinde 25 sottalǵan. Ádilet kapıtany J.Ismaılova óz óndirisindegi sottalǵandardyń qaıta qylmysqa barmaýy,sot júktegen mindetterdi oryndaýy turǵysynda profılaktıkalyq jumystar júrgizedi. Onyń aıtýynsha óndirisindegi 25 sottalǵannyń 3-eýi májbúrli eńbekke tartylǵan, kúndelikti osy májbúrli eńbekke tartylǵan sottalǵandardy jumys ornynan tekseris jumystary júrgiziledi.