Taraptar gaz, logıstıka, energetıka jáne densaýlyq saqtaý salalaryn sóz etti
Sheteldik ınvestorlar keńesiniń 34-shi plenarlyq otyrysy qarsańynda Premer-mınıstr Álıhan Smaıylov General Electric jáne Citigroup kompanıalarynyń, sondaı-aq Azıa damý bankiniń basshylarymen kezdesti, dep habarlaıdy Almaty-akshamy.kz.
General Electric kompanıasynyń Reseı jáne TMD-daǵy prezıdenti Bela Ferensımen kezdesý barysynda Úkimet pen GE arasyndaǵy energetıka, densaýlyq saqtaý jáne avıasıa salalaryndaǵy strategıalyq áriptestiktiń perspektıvalyq baǵyttary, sondaı-aq Qazaqstanda jumys istep turǵan óndirýshi qýattardy jańǵyrtý men jańa óndirýshi qýattardy qurý jobalary qaraldy.
«Qazaqstan General Electric sıaqty strategıalyq ınvestorlarmen uzaq merzimdi yntymaqtastyqqa múddeli. Biz jolǵa qoıylǵan dástúrli seriktestik baılanystardy saqtaýǵa jáne ózara is-qımyldyń jańa baǵyttaryn damytýǵa nıettimiz», — dedi Álıhan Smaıylov.
Azıa damý bankiniń vıse-prezıdenti Ashok Lavasamen áńgime barysynda ekijaqty ózara is-qımyldyń strategıalyq damý perspektıvasy atap ótildi.
«Bank Qazaqstan ekonomıkasyna shamamen 28 jyl boıy qoldaý kórsetti, aradaǵy áriptestik ári qaraı jalǵasýda. Osy jyldar ishinde biz kóptegen jobalar aıasynda ózara tıimdi yntymaqtastyq qura aldyq. Biz ADB-nyń Qazaqstannyń damýyna qosyp otyrǵan úlesin joǵary baǵalaımyz», — dedi Úkimet basshysy.
Taraptar gaz, logıstıka, energetıka jáne densaýlyq saqtaý salalaryndaǵy birlesken jobalardy iske asyrý máselelerin, sondaı-aq taıaý jyldardaǵy yntymaqtastyqtyń jańa baǵyttaryn talqylady.
Citigroup atqarýshy dırektory Devıd Lıvıngstonmen kelissóz barysynda dekarbonızasıalaý jáne jasyl ekonomıkany damytý máseleleri qaraldy.
«30 jyl ishinde «Sıtıbank Qazaqstan» ózin eldiń eń senimdi korporatıvtik bankteriniń biri retinde tanyta aldy, sondaı-aq Qazaqstandaǵy kóptegen halyqaralyq korporasıalar úshin senimdi serikteske aınaldy. Osyny eskere otyryp, biz jańa ózara tıimdi jobalardy iske asyrý perspektıvalaryn qarastyrýǵa daıynbyz», — dedi Álıhan Smaıylov.