AQSH-tyń Tennessı shtatynda bolǵan tornado men qatty daýyldan kem degende 6 adam qaza tapty, dep habarlaıdy almaty-akshamy.kz BBC News-ke silteme jasap.
Kóptegen úı zaqymdalyp, 60 myńǵa jýyq turǵyn jaryqsyz qaldy. Tabıǵı apattan negizinen shtattyń ońtústik aımaqtary zardap shekti.
Áleýmettik jelide jarıalanǵan vıdeoda aýdarylǵan kólikter men tamyrymen julynǵan aǵashtardy kórýge bolady.
Shtat astanasy Neshvıldiń soltústiginde 3 adam qaza tapty. Neshvılden soltústik-batysqa qaraı 50 mıl jerde ornalasqan Klarksvılde eki eresek jáne bir bala qaıtys boldy. Ondaǵan adam jaraqat aldy.
Klarksvıll meri Djo Pıtts tótenshe jaǵdaı jáne jeksenbige deıin jalǵasatyn komendanttyq saǵat týraly jarıalady.
«Bul – qorqynyshty jańalyq, jaqyndaryn joǵaltqandar úshin júregimiz aýyrady. Qala bıligi olarǵa qıyn ýaqytta kómektesýge daıyn», - dedi Pıtts.