Aqtaýda magıstraldy qubyrdyń jarylýynan birneshe shaǵynaýdan jylýdan ajyratyldy, dep habarlaıdy almaty-akshamy.kz qala ákimdiginiń áleýmettik jelidegi paraqshasyna silteme jasap.
Aqtaý qalasynyń ákimi Ulyqbek Tnalıevtiń aıtýynsha, magıstraldyq qubyrdaǵy aqaýdy joıýmen mamandar aınalysyp jatyr.
«Birneshe shaǵynaýdanda jylý berýge ýaqytsha shekteýler engizildi, sabyrlyq tanytyp, kútýdi suraımyn... Joǵary shaǵyn aýdandardy jylýmen qamtıtyn magıstraldyq 800 mm-lik qubyrda aqaý shyqty. Komýnaldyq qyzmetter osynda, jóndeý jumystaryn júrgizip jatyr. Jaǵdaı meniń baqylaýymda», - dedi qala basshysy.
U.Tnalıev apat ornynan vıdeo jarıalap, keltirilgen qolaısyzdyqtar úshin turǵyndardan keshirim surady. Komýnaldyq mamandar aqaýdy keshke deıin jóndep, qalypqa keltirýdi josparlap otyr.