Qaza tapqandardyń basym kórshiligi Kentýkkı shtatynda tirkelgen
AQSH-tyń birneshe shtatyna tabıǵı daýyl soǵyp, saldarynan kem degende 79 adam qaza tapty, dep habarlaıdy Almaty-akshamy.kz CNN telearnasyna silteme jasap.
Qaza tapqandardyń basym kópshiligi, naqty aıtar bolsaq 70 adam Kentýkkı shtatynda kóz jumǵan. Tornado negizinen osy mekenge soqqy bergen. Shtattyń gýbernatory Endı Beshır qaza tapqan adamdar sany áli de ulǵaıýy múmkin ekenin aıtty.
Al, Arkanzas pen Tennessı bıligi ár shtata 30 adamnan qaza tapqanyn jetkizdi, Illınoısta tabıǵı daýyl eki jergilikti turǵynynń ómirin jalmaǵan, Mıssýrı shtatynda 84 jastaǵy keıýana qaza tapty.
Eń úlken quıyn 10 myń turǵyny bar Meıfıld qalasyna soqqy bergen, saldarynan kóptegen úı jaramsyz bolyp qalǵan, oǵan qosa óndiris zaýytynyń shatyry qırap, polısıa bólimi men órt sóndirý stansıasy búlingen.
«Adamdar búgin qaıda baryp túneıtinin bilmeıdi, dúısenbi kúni tańerteń jumysqa qalaı barady. Bul rasymen de qıyn jaǵdaı boldy»,-deıdi qalanyń meri Ketı Stúart O`Nan.
Qaladaǵy júzdegen turǵyn zaýytta jumys istegen ári jańa jyldyq meıram aldynda jumys ta óte kóp bolǵan.
Onyń aıtýynsha, sondaı-aq qalanyń ákimshilik kesheni de qıraǵan.
Tornadonyń soǵýynan elektr qýaty da úzilip, Tennessı men Kentýkkıdegi 200 myńnan astam adam jaryqsyz qalǵan.