"Omıkrondy" juqtyrǵan azamat elge shetelden kelgen
Skolkovo ǵylym jáne tehnologıalar ınstıtýtynyń ǵalymdary Afrıka elderimen áýe shekarasyn jabý koronavırýstyń jańa "omıkron" shtamynyń taralýyna jol bermeýge yqpal jasaıdy, dep habarlady profesor Georgıı Bazykın.
«Bul shara shtamnyń taralýynyń erte kezeńinde tıimdi. Qazir Reseıde «omıkronnyń» qanshalyqty keń taralǵany áli belgisiz bolǵan kezde, shekaralardyń jabylýy qajetti shara», - dedi Bazykın.
Ózderińiz biletindeı, Reseı Federasıasynyń densaýlyq saqtaý mınıstri koronavırýstyń taralýyna baılanysty Afrıkanyń 9 elinen jáne Gonkongtan Reseıge kirýge tolyq tyıym salatyn buıryqqa qol qoıdy, - delingen Covid-19 taralýyna jol bermeý jónindegi vedomstvoaralyq komısıanyń Telegram kanalynda.
Parsy shyǵanaǵynda «omıkron» shtamyn juqtyrýdyń alǵashqy faktisi tirkeldi. Bul týraly Bahreın Koróldiginiń densaýlyq saqtaý mınıstrligi habarlady.
Omıkrondy juqtyrǵan azamat elge shetelden keldi. Sonymen qatar, karantındik sharalardyń saqtalýynyń nátıjesinde patshalyqtyń ishinde baılanys ornatpaǵany týraly málimdeme jasaldy.
Búgingi kúnige Bahreınde koronavırýs ınfeksıasyn juqtyrý faktileriniń sany 277 997 jetti, al KVI saldarynan 1 396 azamat qaıtys boldy. Sondaı aq, elde 1 191 857 adam nemese 79,4%-y eń bolmaǵanda bir komponentpen egildi. 1 164 525 azamat, ıaǵnı halyqtyń 77,6%-y vaksınalaýdyń tolyq kýrsynan ótti.