Semeı polıgonynyń jabylýyn shet el de eskerýde
Amerıka Qurama Shtattarynyń astanasy Vashıngtonda Semeı ıadrolyq polıgonynyń jabylýyna arnalǵan arnaıy fotokórme ótti, dep habarlaıdy Almaty-akshamy.kz. Habar 24 saıtyna silteme jasap.
Qazaqstannyń Vashıngtondaǵy elshiliginde uıymdastyrylǵan sharaǵa QR Prezıdentiniń halyqaralyq yntymaqtastyq jónindegi arnaıy ókili Erjan Qazyhanov bastaǵan bir top delegasıa qatysty. Kelgen qonaqtardyń arasynda sheteldik dıplomattar, AQSH-tyń memlekettik departamentiniń joǵary laýazymdy ókilderi, adam quqyqtaryn qorǵaý uıymdary men zertteý ortalyqtarynyń jetekshileri, sonymen qatar halyqaralyq iri kompanıalardyń basshylary da qatysty.
Djonatan Henık, AQSH Memlekettik hatshysynyń Ońtústik jáne Orta Azıa isteri boıynsha kómekshisiniń orynbasary:
«Semeı polıgonynyń jabylýynyń 30 jyldyǵyn atap ótý óte mańyzdy shara dep oılaımyn. Óıtkeni álem úshin mundaı mańyzdy sheshimdi qabyldaý júgi Qazaqstanǵa berildi. Al Qazaqstan ol ýaqytta óte jas memleket edi. Degenmen Nazarbaevtyń kóshbasshylyǵymen barlyǵy sátti aıaqtaldy. Qazaqstannyń 30 jyl ishinde táýelsiz, adam quqyqtaryn qorǵaıtyn jan-jaqty memleketke aınalǵanyna áli de tańdanamyz. Bul árıne, qazaq halqynyń jáne sol kezdegi Úkimettiń dumys sheshim qabyldaýynyń arqasy», - dedi.
Aıta keteıik, bıyl 29 tamyzda polıgonnyń jabylǵanyna 30 jyl tolady.