Qazir kóp adam vaksına báribir aýrýdan qorǵamaıdy eken degen pikirde. Al aýyra qalsa, ne bolatynyn taǵy bilmeıdi.
Vaksına alý koronavırýspen aýyrǵan adamdardaǵy postkovıdtyq sındromnyń damýyn toqtatýy múmkin, dep habarlaıdy Almaty-akshamy.kz
Bul - URA.RU saıtyna suhbat bergen joǵary sanatty dáriger Alekseı Vodovozovtyń málimeti.
Postkovıdtyq sındrom kóbinese álsizdik, bas aýrýy, bulshyq et aýrýy, depressıa, kognıtıvti fýnksıalardyń tómendeýi sıaqty janama áserler túrinde kórinedi.
«Vaksına salý kovıdtiń quıryǵyn kesip tastaǵanmen birdeı. Bizde osy másele boıynsha birqatar klınıkalyq jáne baqylaý zertteýleri bar. Eger bul randomızasıalanǵan klınıkalyq zertteýlerde rastalsa (zerttelýshilerdi eki nemese odan da kóp toptarǵa bólý, sodan keıin nátıjelerdi salystyrý - URA.RU eskertpesi), biz profılaktıkalyq vaksınany salyp qana qoımaı, naýqasty ońaltýǵa jatqyzýǵa da májbúr bolamyz », - dedi dáriger.
Medık teorıany dáleldeý úshin tájirıbe jasaý qajet dep túsindirdi.
«Biz eki topty alýymyz kerek: biri - tájirıbelik, ekinshisi - baqylaý. Postkovıdtyq eksperımenttik topqa vaksına egý kerek, al baqylaý tobyna ekpe salmaımyz, sol kezde neniń jumys isteıtinin jáne qalaı jumys isteıtinin kóremiz», - dep qorytyndylady Vodovozov.