5 paıyz qatysýshy eshqandaı tańdaý jasamaǵan.
AQSH prezıdentin saılaý 2024 jylǵy 5 qarashada ótedi, dep habarlaıdy aqshamnews.kz
Amerıka Qurama Shtattaryndaǵy saýalnamalarǵa sáıkes, keı shtattardy Donald Trampty qoldaıtyn saılaýshylardyń paıyzy prezıdenttikke úmitker Kamala Harrıske qaraǵanda joǵary bolǵan.
The Hill basylymynyń málimetinshe, shtattarda saýalnamaǵa qatysqan saılaýshylardyń 48 paıyzy Respýblıkalyq partıanyń kandıdaty, burynǵy prezıdent Donald Trampqa daýys beretinin aıtqan. Demokratıalyq partıanyń kandıdaty, vıse-prezıdent Kamala Harrıske kelsek, bul kórsetkish 47 paıyz bolǵan. Alaıda 5 paıyz qatysýshy eshqandaı tańdaý jasamaǵan.
Garvardtyń CAPS ortalyǵynyń dırektory Mark Penn: "Tramptyń aýytqymaly shtattarǵa nazar aýdarý strategıasy nátıjesin berip otyr", - dedi.
Saýalnama 11-13 qazanda júrgizilgen. Sonymen qatar sońǵy ABC News jalpyulttyq saýalnamasyna sáıkes, saılaýshylardyń 50 paıyzy Harrıske daýys bergen, Trampty qoldaǵandar 48 paıyz bolǵan. Telearnanyń málimetinshe, saýalnama 4-8 qazan aralyǵynda 2631 respondent arasynda aǵylshyn jáne ıspan tilderinde onlaın rejıminde júrgizilgen.