Almaty qalasynda 14-18 qazan aralyǵynda “Zańsyz kelýshi -2024” respýblıkalyq jedel-profılaktıkalyq is-sharasy ótip jatyr.
Bul sharanyń negizgi maqsaty – zańsyz kóshi-qon arnalary men oǵan qatysty basqa da quqyqbuzýshylyqtardy anyqtap, olardyń jolyn kesý, dep habarlaıdy aqshamnews.kz Polisia.kz-ke silteme jasap.
Almaty qalalyq polısıa departamentiniń kóshi-qon qyzmeti basqarmasynyń basshysy Asqat Býtýnchınovtyń málimetinshe, is-sharanyń alǵashqy eki kúninde kóshi-qon zańnamasyn buzǵan 534 azamat ákimshilik jaýapkershilikke tartyldy.
Qazaqstan Respýblıkasynda bolý erejelerin saqtamaǵan 405 sheteldik pen sheteldikterdiń elde bolýyn zańdy túrde qamtamasyz etpegeni úshin 105 qabyldaýshy tarapqa shara qoldanyldy. Sonymen qatar sheteldik jumys kúshin zańsyz tartqan 24 jumys berýshige aıyppul salynǵan. Spıkerdiń aıtýynsha, elden shyǵarý týraly sot sheshimderin oryndamaǵan 32 sheteldik anyqtalsa, 29 sheteldik kúshtep shyǵaryldy.