Prıtondardyń barlyǵy syrt kózge jeke kotejder sıaqty kóringen.
Bir qaraǵanda, basqalardyń nazaryn aýdarmaıtyn qarapaıym úı sıaqty kóringenmen, is júzinde olaı bolmaı shyqqan, dep habarlaıdy Almaty-akshamy.kz Polisia.kz-ke silteme jasap.
«Munda túngi ómir qyzý júrip jatyr: ózderin massaj sheberi retinde tanystyratyn qyzdar klıentterine ıntımdik qyzmet kórsetken. Osy reıdtiń nátıjesinde 40 adam ustaldy. Olardyń árqaısysynyń jeke basy kez kelgen qylmysqa nemese quqyqbuzýshylyqqa qatysy bar-joǵy bizdiń jazbalarymyzǵa sáıkes tekserildi. Olarǵa QR ÁQbK-niń 449-babyna jáne QR ÁQbK-niń 492-babyna sáıkes ákimshilik sharalar qoldanyldy. Al jezókshelikpen aınalysýǵa úı-jaı usynǵany úshin mekeme qojaıyndary QR ÁQbK-niń 450-baby boıynsha jaýapqa tartyldy, – deıdi Medeý aýdandyq polısıa basqarmasynyń bastyǵy Dáýren Ótebaev.
Sonymen qatar, aýdandyq bólim basshysy demalys kúnderi polısıa qyzmetkerleri oıyn-saýyq mekemelerinde kalán shegý derekterin de teksergenin atap ótti. 57 zań buzýshylyq anyqtalyp, quqyq buzýshylarǵa ákimshilik hattamalar toltyryldy.