Qazaqstan Respýblıkasynyń Saýda jáne ıntegrasıa mınıstrligi AQSH-tyń Qytaıdan keletin taýarlarǵa salatyn salyqtaryn arttyrýy elimizdiń ekonomıkasyna teris áser etpeıdi dep kútip otyr, ári Qytaı taýarlarynyń kóptep kirýi jaıly alańdaýshylyq joq, dep habarlaıdy aqshamnews.kz
"Qytaı túrli taýarlardyń úlken kólemin óndiredi. AQSH-taǵy Qytaı taýarlaryna degen suranys Qazaqstandaǵy suranystan erekshelenedi. Iaǵnı, tutynýshylyq suranys pen naryqtyń talǵamy ártúrli. Sondyqtan taýarlardyń kóptep kirýi kútilmeıdi. Qazaqstanǵa yqpal etý tek tranzıttik aǵyndarda bolýy múmkin, sebebi Qytaı Eýropaǵa eksportyn arttyryp, AQSH-pen tikeleı saýda kedergilerinen aýlaq bolýǵa tyrysady", – dedi Saýda jáne ıntegrasıa vıse-mınıstri Qaırat Tórebaev.
Degenmen, ekonomıser bul máselege oń kózqaraspen qaramaıdy. Ekonomıs Ǵalymjan Aıtqazınniń pikirinshe, Qytaı taýarlarynyń qymbattaýy álemdik deńgeıde ınflásıalyq qysymdy kúsheıtýi múmkin jáne bul Qazaqstan ekonomıkasyna da keri áserin tıgizýi múmkin.
"Meniń oıymsha, AQSH-tyń Qytaıǵa 20% salyq engizýi Qytaı ekonomıkasynyń báseńdeýine ákelip, bul óz kezeginde munaı, metaldar jáne ýranǵa degen suranysty tómendetýi múmkin. Al Qazaqstannyń shıkizat eksportyna joǵary táýeldiligi elimizdiń eksporttyq kiristeriniń tómendeýine áser etedi. Sonymen qatar, shıkizat baǵasynyń ózgerýi valútalyq kýrstyń qubylýyna alyp kelýi múmkin", – dep atap ótti ol.