Sanksıa – agresıany toqtatý úshin jasalǵan qadam
AQSH-tyń memlekettik hatshysy Entonı Blınken sanksıa Reseı agresıalyq áreketine baılanysty ekenin aıtty, dep habarlaıdy Almaty-akshamy.kz BAQ.KZ-ke silteme jasap.
«Álem boıynsha ondaǵan el Reseıge sanksıalar saldy. Sebebi Reseı Ýkraınaǵa qarsy soǵysty bastady. Ol tek Ýkraınaǵa qarsy soǵys emes, jalpy halyqaralyq, BUU-nyń aýmaqtyq tutastyq pen egemendikti saqtaý qaǵıdattaryna qarsy shyǵý. Onyń ishinde Qazaqstan da bar. BUU quramyndaǵy elder Reseıdiń jasaǵanyna qarsy shyqty», - dedi AQSH ókili.
Entonı Blınkenniń aıtýynsha, sanksıa – agresıany toqtatý úshin jasalǵan qadam.
«Biz Reseı óz áskerin Ýkraınadan shyǵaryp, Ýkraına aýmaqtyq tutastyǵyn saqtaǵanyn qalaımyz. Qazir birqatar elmen sóılesip jatyrmyz. Onyń ishinde osy S5 elderi bar. Sebebi bul árekettiń ekonomıkalyq saldary bar. Odan álem boıynsha barlyq el zardap shegýi múmkin. Onyń ishinde Ortalyq Azıa elderi de bar. Biz óz seriktesterimizben aqparat almasyp, S5 elderine kómek berýge tyrysamyz»,- dedi Entonı Blınken.
Ol oǵan birshama ýaqyt keregin aıtty.
«Ortalyq Azıa óńirine barynsha kómek kórsetip jatyrmyz. 25 mlrd dollar ekonomıkalyq turaqtylyq bastamasy aıasynda bólindi. Saýda damytý, eksport naryǵyn ashý, jeke sektorǵa ınvestısıa tartý úshin 50 mln dollar bólinip otyr. Reseı agresıasynyń álemge úlken yqpaly bolýy múmkin»,- dedi ol.
Syrtqy ister mınıstri Muhtar Tileýberdi eshqandaı qazaqstandyq kompanıa janama sanksıalardan zardap shekpegenin aıtty.
Búgin Syrtqy ister mınıstri Muhtar Tileýderdi men AQSH-tyń memlekettik hatshysy Entonı Blınkenniń kelissózderiniń qorytyndysy boıynsha BAQ ókilderine arnalǵan baspasóz konferensıasy ótti.