Almatylyq fotograf alǵashqy báısheshekterdiń erekshe sýretterin jarıalady
Almatylyq fotograf Dmıtrıı Dosenko alǵashqy báısheshekterdiń atmosferalyq sýretterin jarıalady, dep habarlaıdy Almaty-akshamy.kz Tengrinews.kz-ke silteme jasap.
Dmıtrıı Dosenko sýretterdiń Almatyda túsirilgenin aıtady. Ol áli qary erip úlgermegen, búrshik atyp turǵan gúlderdi sýretke túsirip alǵan.
"Báısheshekterdi jyl saıyn túsiremin. Búrshik atqanyn kútip júremin. Kúni keshe qala mańyndaǵy baqtardyń birinen osy kadrlardy túsirdim. Men sońǵy qar jaýǵan kezde ádemi kadrlar alyp úlgerdim. Qar men gúlder bir-birine uqsamaıdy", - deıdi Dmıtrıı Dosenko.
23 aqpanda túsirilgen Alataý shafrany.
"Talǵar tasjolynyń boıyndaǵy Almaty taý bókterinde qar jaýar aldynda Qyzyl kitapqa engen alataý shafranyn taptym. Aqpannyń sońy men naýryzdyń basy - bizdiń óńirde gúlderdiń búrshik atatyn ádettegi ýaqyty", - dedi ol.
