Qazir árbir mınýt mańyzdy
Kongres Ýkraınaǵa qarý-jaraqty jedeldetip jetkizýge múmkindik beretin zań jobasyn qabyldady, dep habarlaıdy Almaty-akshamy.kz «Habar 24» telearnasyna silteme jasap.
2022 jyly Ýkraınadaǵy demokratıany qorǵaý úshin «Lend-lız» dep atalatyn qujatty ókilder palatasynyń 417 múshesi qoldap, tek 10 kongresmen qarsy shyqty. Zań prezıdentke Ýkraınadaǵy soǵys aıaqtalǵansha Kıevke qorǵanys quraldaryn, ıaǵnı áskerı tehnıka men qarý-jaraqty ýaqytsha qoldanýǵa nemese jalǵa jeńildetilgen rásimmen jetkizýge múmkindik beredi. Baǵdarlama alǵash ret Ekinshi dúnıejúzilik soǵysta fashısik Germanıamen shaıqasqan odaqtas elderge kómek berý úshin qoldanylǵan. Qazirgi jobada birqatar shekteý alynyp tastalǵan.
«Ýkraınaǵa demokratıany qorǵaý úshin «Lend-lız» zańy boıynsha bastapqy baǵdarlamaǵa ózgerister engizildi. Iaǵnı prezıdentke asa qajetti qorǵanys quraldaryn jiberý úshin kóp ýaqyt alatyn talaptar alynyp tastaldy. Biz bul zań arqyly úkimettiń tezirek qımyldap, Ýkraınanyń qaýipsizdik kúshterin nyǵaıtyp, Reseı basqynshylaryna toıtarys berýge, beıbit turǵyndar men demokratıany qorǵaýǵa múmkindik beremiz. Qazir árbir mınýt mańyzdy. Qolǵa alyp jatqan sharalar kóp adamnyń ómirin saqtap qalýǵa kómektesedi dep senemiz»,- AQSH ókilder palatasynyń spıkeri Nensı Pelosı.