Oraza aıt ár musylmannyń júregine ımandylyq nuryn sebedi
QR Prezıdenti Qasym-Jomart Toqaev Qazaqstan halqyn Oraza aıt merekesimen quttyqtady, dep habarlaıdy Aqordanyń baspasóz qyzmeti. Almaty-akshamy.kz oqyrman nazaryna Memleket basshysy quttyqtaýynyń tolyq mátinin usynady.
Qurmetti otandastar!
Sizderdi barsha musylman qaýymy úshin qasıetti Oraza aıt meıramymen shyn júrekten quttyqtaımyn!
Otyz kúndik orazadan keıin keletin bul merekeni halqymyz qashanda erekshe sezimmen, zor qýanyshpen qarsy alady. Rýhanı tazarýǵa jáne kemeldenýge bastaıtyn Ramazan aıyn ulyqtap, bir-birine izgi tilekterin arnaıdy.
Oraza aıt ár musylmannyń júregine ımandylyq nuryn sebedi. Jurtty jaqsylyq jasaýǵa, qanaǵatshyl, qaıyrymdy jáne keshirimdi bolýǵa úndeıdi. Biz halqymyzdyń osyndaı biregeı qasıetteriniń arqasynda birligimizdi bekemdep kelemiz.
Islamnyń asyl qundylyqtary Jańa Qazaqstannyń da rýhanıatyn órkendetýge septigin tıgizeri sózsiz.
Aıt qabyl bolsyn!
Barshańyzǵa myqty densaýlyq, baq-bereke tileımin!
Aıttan aıtqa aman-esen jete bereıik!
Elimiz aman, jurtymyz tynysh bolsyn!