Sporttyq sharaǵa myńnan asa adam qatysty
Jappaı velosherý Qazaqstan halqynyń Birlik kúnine arnaldy, dep habarlaıdy Almaty-akshamy.kz Vecher.kz-ke silteme jasap.
Velomaýsym men velosherýdiń saltanatty ashylýyna Almaty ákiminiń orynbasary Arman Qyryqbaev qatysty. Jıyn barysynda ol turǵyndar velosıpedti jıi qoldana bastaǵanyn jáne velojolaqtar jyl ótken saıyn kóbeıip jatqanyn jetkizdi.
«Qys bitken soń qalada velosherýler jandana bastaıdy, bul óte jaqsy. Qatysýshylardyń qatarynda kásibı velosportshylarmen qatar qarapaıym adamdar men velosıpedti endi úırenip júrgender de bar. Olar az qashyqtyqty júrip ótedi. Al, biz óz komandamyz atynan olarǵa shaǵyn kádesyılardy tabystaımyz»,- dedi QR Parlamenti Májilisiniń depýtaty Andreı Lınnık.
Velosherýge qatysqan myńdaǵan almatylyq ál-Farabı dańǵyly boıymen segiz shaqyrymdy qashyqtyqty júrip ótti.
Qazaqstan velosport federasıasynyń prezıdenti Nurlan Smaǵulovtyń aıtýynsha, barlyǵyna máre syzyǵyn birinshi bolyp kesip ótý mindetti emes, bastysy qashyqtyqty júrip ótý jáne merekelik kóńil-kúıdi seziný. Sondaı-aq ol velosherý - dostyqtyń marafony ekenin ári almatylyqtardyń yntymaǵy ekenin atap ótti.
Velosherýge qatysýshylar da óz áserlerimen bólisti, onyń biri Anastasıa Kıreeva.
«Qurbym ekeýimiz velosherý jaıly bilgende qatysýdy jón kórdik. Biraq bizde velosıped bolmady, sondyqtan jalǵa aldyq. Biz kóbinde júgiremiz, velosherýge birinshi ret qatystyq, bizge unady. Uıymdastyrýy da jaqsy, merekelik jáne sporttyq kóńil-kúıdi sezindik»,-deıdi ol.
