Sanaq bastalady degen aqparat taraǵannan beri alaıaqtardan saqtaný máselesi de kóterildi.
Bul suraqqa búgin Almaty qalasy Óńirlik komýnıkasıalar qyzmetiniń alańynda ótken onlaın baspasóz máslıhatynda QR Strategıalyq josparlaý jáne reformalar agenttigi Ulttyq statısıka búrosynyń Almaty qalasy boıynsha departamentiniń basshysy Aıdar Ábildabekov jaýap berdi, dep habarlaıdy Almaty-akshamy.kz tilshisi.
Sanaqqa qatysty máselelerdi túsindirý maqsatynda búgin «Almatydaǵy halyq sanaǵynyń negizgi kezeńiniń barysy týraly» onlaın baspasóz-konferensıasy ótti.
«Intervúerdiń eń basty belgisi – sanaqshy kýáligi, onyń joǵarǵy jaǵynda kýáliktiń nómiri jazylǵan, sol nómirdi sanaq.gov saıtyna engizý arqyly úıińizge kelgen sanaqshynyń resmı ókil ekendigine kóz jetkize alasyzdar», -dedi Aıdar Ábildabekov.
Spıkerdiń aıtýynsha, sanaqshynyń kók tústi portfelinde 2021 jyl dep jazylǵan, al sharfynda 2020 jyl degen jazýy bar, óıtkeni sanaq ótken jylǵa josparlanǵan, sol sebepti sharftar byltyr jasap shyǵarylǵan.
«Sondaı-aq sanaqshynyń qolynda onyń eń basty quraly – respondentterdi tirkeıtin plansheti bolady», - dedi Ulttyq statısıka búrosynyń Almaty qalasy boıynsha departamentiniń basshysy.