Qazaqstanda bank qyzmetkerleri bógde tulǵalarǵa nesıe rásimdep, klıentterdiń shottarynan aqsha alǵan.
LS jazýynsha, 2022 jyly bank júıesiniń segiz qyzmetkeri qylmystyq jaýapkershilikke tartylǵan. Al 2021 jyly úsh uqsas jaǵdaı oryn alǵan, dep habarlaıdy Almaty-akshamy.kz
Jasalǵan qylmystardyń negizgi úlesi alaıaqtyqqa (QK-niń 190-baby), senip tapsyrylǵan múlikti qyzmettik jaǵdaıyn paıdalana otyryp urlaýǵa (QK-niń 189-baby) jáne bankterdegi ókilettikterdi teris paıdalanýǵa (QK-niń 250-baby) tıesili. Bul rette qylmys jasaǵan tulǵalar 188-bap «Urlyq» boıynsha jaýapqa tartylǵan joq.
«Urlaýdyń negizgi tásilderi – affılıırlengen kompanıalarǵa qaryz berý, bógde tulǵalarǵa nesıe berý, bank úshin zalaldy sharttar boıynsha nesıe berý, jalǵan shyǵys-kassalyq orderleri bar klıentterdiń shottarynan aqsha qarajatyn alý», - dep jazylǵan habarlamasynda.
Bas prokýratýrada bul qylmystar Almaty, Aqtóbe, Atyraý, SHQO, Jambyl, BQO, Qyzylorda jáne Pavlodar oblystarynda jasalǵanyn atap ótti. Alaıda keltirilgen zalal týraly aqparat joq.
Sonymen qatar, ishki ister organdarynda úsh qylmys tirkelgenin habarlady. Onyń ishinde QK-niń 189-baby boıynsha Stepnogorsk pen Qostanaı oblysyndaǵy Torǵaı jáne Qarabalyq kentterinde tirkelgen.