Aqmola oblysynyń Sandyqtaý aýdanynda kórshi zeınetkerlerdiń atyna zańsyz nesıe rásimdegen áıel 2 jyl 4 aıǵa sottaldy, dep habarlaıdy Aqshamnews.kz tilshisi.
Quqyq qorǵaý organdary onyń áreketin alaıaqtyq retinde baǵalady. Tergeý barysynda áıeldiń qart adamdardyń senimine kirip, túrli qujattar men járdemaqylardy rásimdeýge kómekteskeni anyqtaldy. Osylaısha ol zeınetkerlerdiń jeke derekterin jınap alyp, olardyń habarynsyz nesıe rásimdep otyrǵan.
«İsti qaraý nátıjesinde aıyptalýshy Qylmystyq kodekstiń “Alaıaqtyq” baby boıynsha kináli dep tanylyp, 2 jyl 4 aı merzimge bas bostandyǵynan aıyryldy», – dep habarlady Aqmola oblysynyń prokýratýrasy.
Belgili bolǵandaı, áıel zeınetkerlerdi aldaý arqyly jalpy somasy 7 mln teńge kóleminde nesıe alǵan.