«Qazgıdromet» RMK aldaǵy demalys kúnderine arnalǵan aýa raıy boljamyn jarıalady, dep habarlaıdy Aqshamnews.kz tilshisi.
Atmosferalyq fronttardyń ótýine baılanysty 27 jeltoqsanda eldiń shyǵysynda, 27-29 jeltoqsanda batysynda, 29 jeltoqsanda soltústik-batysynda, soltústiginde jáne ortalyǵynda qar, burqasyn, muz, jeldiń kúsheıýi kútiledi.
Sınoptıkterdiń boljamynsha, ońtústik óńirlerde jaýyn-shashyn (jańbyr, qar) bolady. Tolassyz qar 27 jeltoqsanda shyǵys pen ońtústik-shyǵysta, 28 jeltoqsanda eldiń batysynda kútiledi. Respýblıka boıynsha tuman bolady dep boljanyp otyr.
Soltústik-batys, soltústik jáne ortalyq aımaqtarda temperatýranyń kóterilýi kútiledi: túnde -10…-18°C, kúndiz -0…-8°C. Shyǵysta túnde -15…-20°C, kúndiz -5…-10°C. Ońtústik óńirlerde túnde 0…+5°C, taýly aýdandarda túnde -5…-10°C, kúndiz 5…15°C, taýly aımaqtarda -4…-1°C bolady dep boljanyp otyr.